- शिंदखेडा येथे वानराचा शॉक लागून मृत्यू हिंदू रितीरिवाजाप्रमाणे अंत्ययात्रा आदिवासी समाजाचा पुढाकार
. ✍️. शिंदखेडा माझा संपादक यादवराव सावंत शिंदखेडा येथील वरपाडे रोड लगत बंगला भिलाटी अर्थात वीर एकलव्य नगर येथून जवळच असलेल्या बी एस एन एल कार्यालयात सातत्याने आदिवासी समाजाचे लहान मुलांसोबत अंगा खांद्यावर खेळणारे वानर हे नेहमीच त्यांच्यावर प्रेम करत असायचे परंतु आज दुपारी अचानक सदर वानरास शॉक लागल्याने जागीच मृत्यू झाला. अखेर आदिवासी बांधव व भगिनींनी वानराचा अंत्यविधी करण्याचा ठरवला त्यानुसार हिंदू संस्कृती रीतीरीवाल्याप्रमाणे वानराच्या अंत्ययात्रा काढण्यात आली सर्व विधिवत पूजा करून संपूर्ण शहरातून अंतयात्रा काढण्यात आली. अंतयात्रेस सर्व आदिवासी बांधव आणि भगिनी, शिंदखेडा शहरातील ग्रामस्थ बहुसंख्येने सहभागी झाले होते. त्यानंतर मारोती मंदिर परिसरात वानरास दफन केले.आदिवासी समाजाचे सुपडु बंडू भिल हे आग्या झाले तर अजय सुपडू भील, सागर आनंद भिल,अजय आबा सोनवणे, भीमा सुरसिंग भिल हे खांदेकरी झाले होते. वानराचा दफनविधी झाल्यावर शहरातील प्रतिष्ठित ग्रामस्थ व आदिवासी समाजात चर्चा झाली कि आम्ही सपुर्ण आदिवासी समाज पाच दिवसाचा दिवसाचा दुखवटा पाडणार आहे.दशक्रिया विधी व अन्नदान सुद्धा करणार म्हणून दशक्रिया कार्यक्रम पाचव्या दिवशी शनिवारी अठरा एप्रिल सकाळी दहा वाजता सुतक काढले जाईल तरी अन्नदानासाठी मदतीला शहरातील प्रतिष्ठित व ग्रामस्थांनी सढळ हाताने मदत करावी असे आवाहन हया निमित्ताने केले. अंतयात्रेसाठी सपुर्ण आदिवासी समाज,सकल हिंदू समाज व हनुमान भक्त दामोदर व्यायाम शाळा शिंदखेडा, आदिवासी समाजातील महिला तसेच शहरातील ग्रामस्थ बहुसंख्येने सहभागी झाले होते.
