शिंदखेडा नगरपंचायत मार्फत लोक कल्याण मेळाव्याचे आयोजन
✍️ शिंदखेडा माझा(संपादक यादवराव सावंत) :
शिंदखेडा नगरपंचायत मुख्याधिकारी श्रीकांत शरद फागणेकर यांचे मार्गदर्श-नाखाली दि १७.०९.२०२५ बुधवारी मा. पंतप्रधान नरेंद्र मोदी यांचे जन्मदिवस दि. १७.०९.२०२५ पासून ते ०२ ऑक्टोंबर २०२५ पर्यंत महात्मा गांधी जयंती या कालावधीत ” लोककल्याण मेळावा ” चे आयोजन करण्यात आले आहे
त्यांतर्गत पथ विक्रेते यांचेकरिता सुरु असलेल्या केंद्रशासन पुरस्कृत पीएम स्वनिधी योजनेची मार्च २०३० पर्यंत मुदतवाढ बाबत सर्वांना अवगत करण्यात आले. तसेच योजनेत नव्याने कर्ज रक्कम मध्ये झालेली वाढ प्रथम कर्ज १५०००, द्वितीय कर्ज २५०००, तृतीय कर्ज ५०००० याप्रमाणे उपस्थित सर्व सदस्यांना कळविण्यात आले. शिवाय लोककल्याण मेळाव्याचे उद्धिष्ट साधून DAYNULM योजनेंतर्गत स्थापित महिला बचत गटांना उद्योजगता विकास व वित्तीय साक्षरता बाबत प्रशिक्षण उपलब्ध करून देण्यात आले सोबतच नगरपंचायतीचे प्रशासकीय अधिकारी श्री सचिन वाघ , आरोग्य निरीक्षक राजेंद्र चौधरी, मास्टर ट्रेनर नंदुरबार श्री गोविंद घनश्याम अग्रवाल यांचे हस्ते उपस्थित महिला बचत गट सदस्य यांना उद्योजगता प्रशिक्षण प्रमाणपत्र, हर घर तिरंगा रांगोळी स्पर्धा प्रमाणपत्र व रांगोळी स्पर्धा चे बक्षीस वितरण करण्यात आले कार्यक्रमाचे नियोजन श्री दिनेश भगवंत फुलपगारे सहायक प्रकल्प अधिकारी DAYNULM यांनी केले. तसेच नगर-पंचायत इतर अधिकारी / कर्मचारी यांचे मोलाचे सहकार्य लाभले.
