दोंडाईचा प्रतिनिधी:- तावखेडा प्र.न येथिल एआयआयबी अर्थात एशियन इन्फ्रास्ट्रक्चर इन्वेन्स्टमेंट बँक योजनेअंतर्गत ११४ कोटीतून मतदारसंघात विजेचे भक्कम असे जाळे निर्माण होत असून त्याचाच एक भाग म्हणजे शिंदखेडा तालुक्यातील तावखेडा प्र.न. येथे ३३/११ केव्ही उपकेंद्राचे भूमिपूजन संपन्न झाले.
यावेळी दोंडाईचा बाजार समिती चे सभापती नारायण पाटील, महावितरणचे कार्यकारी अभियंता भाऊसाहेब पाटील, उपविभागीय अभियंता सदानंद मोथगिरे, जि प चे माजी उपाध्यक्ष भारत ईशी, भाजपचे तालुकाध्यक्ष दिपक बागल, मुंबई बाजार समिती संचालक जिजाबराव सोनवणे, दोंडाईचा चे माजी बांधकाम सभापती निखिल जाधव, डी एस गिरासे, हर्षवर्धन बागल, तावखेडा चे सरपंच जालीमसिंग गिरासे, मंदाने चे सरपंच सुनील माळी, सहाय्यक अभियंता विकास गायकवाड, सचिन पवार, शैलेश सूर्यवंशी यासह पदाधिकारी, कार्यकर्ते व शेतकरी बांधव मोठ्या संख्येने उपस्थित होते. एआयआयबी योजने अंतर्गत शिंदखेडा मतदार संघांत होत असलेली कामे पुढील प्रमाणे…रामी व बळसाणे उपकेंद्र, चिमठाणा येथे १० एमव्हीए क्षमतेचा नवीन पॉवर ट्रान्सफॉर्मर, शिंदखेडा तालुक्यात १० सौर प्रकल्प – एकूण ५२ मेगावॅट क्षमतेचे, विखरन येथे ५ एमव्हीए क्षमतेच्या अतिरिक्त पॉवर ट्रान्सफॉर्मर, सुमारे ६० किमी लांबीच्या ३३ केव्ही लाईनचे काम,तसेच योग्य व स्थिर व्होल्टेज मिळावे यासाठी शिंदखेडा, दळवाडे, विखरण व बामणे या उपकेंद्रांवर कॅपेसिटर बँक बसवण्याचे काम सुरू आहे. यामुळे अनेक गावांतील वीजपुरवठा अधिक कार्यक्षम व स्थिर होईल ही कामे या योजने अंतर्गत होणार आहेत.
